Borrador nova para Comunidade sobre san Xoán restaurado

A parroquia de san Xoán de Louredo alégrase co regreso da imaxe restaurada do patrono. Graciñas, don José Ramón Villar, por este detalle que coroa a súa misión entre nós!

A igrexa parroquial de Louredo foi inaugurada en 1913, na festa do seu patrón, san Xoán bautista. Ata o de agora, celebra o día do seu nacemento con novena e día de xúbilo, con misa cantada e procesión polo pobo. O día do martirio soe recordarse con misa cantada.

Por desgraza, o ano pasado non estivo en ningunha das dúas datas a impresionante figura do bautista no retablo central, debido á caída dun brazo, sen intervención humana. Esto levou ó párroco a internar a imaxe nun proceso de restauración.

Actualmente, con nomeamento para Ribadavia, ó tempo de cambiar a misión pastoral, don José Ramón regresou a imaxe renovada, que volve lucir no seu sitio reservado, entre as imaxes do Sagrado Corazón e san Xosé co Neno.

Damos gracias por ter esta talla de novo na igrexa e desexamos que reciba a mesma atención, tanto ela como a festa do pobo, por parte do novo administrador parroquial, don Julio Rodríguez, a quen saudamos e damos a benvida.