A ficha da igrexa de san Xoán de Louredo, arciprestado de Ribadavia, está entre as catro máis visitadas de Galicia nomeada. No particular podio da plataforma é a única representante da provincia e diocese de Ourense. Logrou tal posto gracias ás visitas que recibíu, confirmando que a pesar da súa sinxeleza e de contar pouco máis dun século de existencia, lonxe da rotas máis publicitadas hai espazo para atraer a atención.
Queres vela e darlle máis visibilidade? Fai clic ou preme AQUÍ MESMO.
Galicia nomeada, unha plataforma de máximo interés
A toponimia galega é un tesouro que sempre podemos aumentar. A cantidade de nomes de terras, regos, ríos e lugares é dunha diversidade e amplitude tal que somos a rexión de España máis rica neste campo. Galicia nomeada é unha plataforma onde colocar, etiquetar e compartir tal tesouro. Ca Xunta e a Real Academia como piares, o espazo de Galicia nomeada é unha oportunidade de ouro para recoller tódolos topónimos posibles, xeolocalizalos, fotografalos e deixar un texto que o explique ou deixe noticia del para sempre. Porque un detalle do tesouro que é a toponimia galega é que inda queda moita por recoller e localizar no seu determinado lugar.
Ollada á igrexa de san Xoán de Louredo
Con algúns cambios ó longo destes anos, a ficha que fala sobre a igrexa de san Xoán de Louredo é un resumo do que coñecemos dela. Di así, en consulta realizada o mércores 5 de febreiro de 2025:
O templo parroquial de san Xoán de Louredo está adicado a san Xoán bautista, sendo a festa patronal o 24 de xuño, data precedida de novena. Algunha vez se celebrou novena, tamén, para celebrar o día do martirio, o 29 de agosto, pero o normal é que se celebre Misa ese día, sen máis. A parroquia pertence ó arciprestado de Ribadavia, sendo parte do de Cortegada anteriormente. Foi no 2013 cando este desapareceu e se pasou a aquel, na última reforma arciprestal diocesana, baixo o pastoreo de monseñor Leonardo Lemos Montanet. De sinxela feitura, consta de unha sola nave, con espadaña sobre porta maior, con espazo para dúas campás, e dous pequenos locais a ambos lados do presbiterio, sendo un a sacristía e o outro un almacén. As campás levan dous anos diferentes: a grande é de 1923, mentres que a pequena é de 1953, sendo o fundidor Malingre (desde mesmo ano e fundidor é a estatua de bronce dedicada a monseñor Francisco Blanco Nájera, sita no claustro do Seminario Maior de Ourense). Segundo testemuña da época, as dúas campás eran do 23, pero a pequena rachou e refundiuse. Nos laterais do templo sobresaen dous contrafortes. Tres son os retablos, de factura local, da man do artista de Remuíño, José "O Choio". En carta do 4 de xullo de 1913, publicada no Boletín diocesano, o rvdo. Constantino Rodríguez dá unha serie de interesantes datos: que a igrexa é de nova construción, que foi inaugurada o día da festa de san Xoán, que se trasladaron imaxes de santos e o Santísimo desde a vella igrexa á nova, que a construción desta levou 6 anos,... Tal festexo foi recollido por algúns periódicos da época, en brevísimas notas.
Posición no podio en febreiro de 2025
Nun digno cuarto posto, no "podium" de Galicia nomeada, atopamos a ficha da igrexa de san Xoán de Louredo. 537 visitas a levaron a tal posto e podedes facer que suba, premendo nesta ligazón á ficha, visitándoa e compartíndoa.
O caso é que estamos ante unha construción digna, amplia, sinxela, pero tamén chamativa no seu lugar. Situada nuha chaira alta, rodeada polas terras do Regueiro, O Cazapedo e A Torre, é ben visible dende a estrada, de fácil acceso e ca suficiente historia detrás como para deterse un intre a admirala.
Comentarios
Publicar un comentario